თბილისის პირველი ღია თასი
ინტელექტუალურ თამაშში „რა? სად? როდის?“
2016 წლის 2-4 სექტემბერს თბილისი უმასპინძლებს პირველ საერთაშორისო ღია თასს ინტელექტუალურ თამაშში „რა? სად? როდის?“.
ფესტივალში მონაწილეობას მიიღებს 14 ქვეყნის 400-მდე მოაზროვნე, სახელდობრ: აზერბაიჯანი, ბელარუსი, გერმანია, ესტონეთი, ისრაელი, ლატვია, მოლდოვა, პოლონეთი, რუსეთი, საქართველო, სომხეთი, უკრაინა, ჩეხეთი, ჰოლანდია.
საქართველოს ინტელექტ-კლუბის პრეზიდენტის, გიორგი მოსიძის თქმით: „შარშან ნოემბერში თბილისმა უმასპინძლა მსოფლიოს მე-13 ჩემპიონატს ინტელექტუალურ თამაშში „რა? სად? როდის?“. ღონისძიების მაღალმა ორგანიზაციულმა დონემ, საზოგადოებრივმა რეზონანსმა და უცხოელი მონაწილეების მაღალმა შეფასებებმა, გვაფიქრებინა თბილისის ტრადიციული საერთაშორისო ინტელექტუალური ფესტივალის დაარსება. 2-4 სექტემბერს სწორედ ასეთი ღონისძიება – თბილისის პირველი ღია თასი გაიმართება“.
ფესტივალი ჩატარდება თბილისის მერიის მხარდაჭერითა და პირადად ქალაქის მერის, დავით ნარმანიას პატრონაჟით.
ჩემპიონატის ოფიციალური ღვინო – შუმი
ჩემპიონატის ოფიციალური ბრენდი – სარაჯიშვილი
ჩემპიონატის ოფიციალური წყალი – ბორჯომი
პარტნიორები:
ქ. თბილისის მერიის განათლების, სპორტისა და ახალგაზრდულ საქმეთა საქალაქო სამსახური
ტურისტული კომპანია „Captain+”
ფესტივალის თამაშები სასტუმრო Hotels & Preference Hualing Tbilisi-ში გაიმართება.
ღონისძიებაზე სათამაშოდ ჩამოვა მსოფლიოს ბევრი უძლიერესი მოაზროვნე. საქართველოს ღირსებას ფესტივალზე 25 გუნდი დაიცავს, მათ შორის: დავით რაფავას, გიორგი ბაქრაძის, ბესიკ ბუთურიშვილის, დავით სიჭინავასა, ალექსანდრე თარხან-მოურავისა და სხვა ექვსეულები. დავით რაფავას ექვსეული პირველ ნომრადაა განთესილი და ტურნირის ოფიციალური ფავორიტია. ფესტივალის გამარჯვებული მოიპოვებს მსოფლიოს მე-14 ჩემპიონატის საგზურს, რომელიც ა.წ. 11-13 ნოემბერს სომხეთში გაიმართება.
საკუთრივ „რა? სად? როდის?“-ის გარდა, ღონისძიების პროგრამაშია ინტელექტუალური თამაშები „Jeopardy!” და „ხამსა“. კვირას, 4 სექტემბერს საერთაშორისო ტურნირს „ბრეინ-რინგში“ სოფელ მირზაანში (დედოფლისწყაროს მუნიციპალიტეტი) ნიკო ფიროსმანის მუზეუმი უმასპინძლებს.
დამატებითი ინფორმაციისთვის: გიორგი მოსიძე 599504793
