„შენი გულისთვის, შენი უსაფრთხოებისთვის“ თბილისის სამარშრუტო მიკროავტობუსები შეუერთდნენ.

შინაგან საქმეთა სამინისტროს საგზაო მოძრაობის უსაფრთხოების კამპანიას –
„შენი გულისთვის, შენი უსაფრთხოებისთვის“ თბილისის სამარშრუტო
მიკროავტობუსები შეუერთდნენ.

კამპანიის ფარგლებში დამზადებული სტიკერები შპს „თბილისის მიკროავტობუსის“
სახაზო მიკროავტობუსებზე განთავსდა. სამარშრუტო მიკროავტობუსებში არსებულ
მონიტორებზე კი მგზავრებს საგზაო მოძრაობის უსაფრთხოების თემაზე შსს-ს
საინფორმაციო-შემეცნებით ვიდეორგოლს უჩვენებენ.

შინაგან საქმეთა სამინისტრო საგზაო მოძრაობის უსაფრთხოების ფართომასშტაბიან
საინფორმაციო კამპანიას აგრძელებს. კამპანიის მიზანი ავტოსაგზაო
შემთხვევების პრევენცია და ამ მიზნით, საზოგადოების ცნობიერების ამაღლებაა.