სასოფლო-სამეურნეო კოოპერატივების განვითარების სააგენტოს თავმჯდომარე გიორგი მიშელაძე პანკისის ხეობაში მცხოვრებ ფერმერებს სოფელ დუისში შეხვდა. გიორგი მიშელაძემ შეხვედრაზე დეტალურად განმარტა თუ რა ტექნიკური პროცედურების გავლაა საჭირო სასოფლო-სამეურნეო კოოპერატივის რეგისტრაციასა და
სტატუსის მოპოვებისათვის და რა საგადასახადო შეღავათებით სარგებლობს სასოფლო-სამეურნეო კოოპერატივი, ასევე მოსახლეობას მიეწოდა ინფორმაცია კოოპერატივების მხარდაჭერის სახელმწიფო პროგრამების შესახებ .
სასოფლო-სამეურნეო კოოპერატივების განვითარების სააგენტოს თავმჯდომარის განცხადებით, კოოპერატივების შექმნა ხელს შეუწყობს, ფერმერული მეურნეობების გამსხვილებას, ადგილობრივი პროდუქციის წახალისებას, თანამედროვე ტექნოლოგიების დანერგვასა და მაღალი სტანდარტების პროდუქციის წარმოებას.
შეხვედრა კითხვა-პასუხის რეჟიმში დასრულდა. მოსახლეობის დასმულ შეკითხვებს გიორგი მიშელაძემ ამომწურავი პასუხები გასცა. ადგილობრივი მოსახლეობის მხრიდან გამოითქვა დაინტერესება სასოფლო-სამეურნეო კოოპერატივების შექმნისა და სახელმწიფო პროგრამებში მონაწილეობის.
კახეთის რეგიონში დღეისათვის 112 სასოფლო-სამეურნეო კოოპერატივია რეგისტრირებული.
მოსახლეობასთან შეხვედრა პანკისის სათემო რადიოს WAY–ის ორგანიზებით გაიმართა.